رمضان الجريح
عم رمضان ... مش بس للتروايح ..
التوبة فيه مقبولة ... وفيه كمان تسابيح ..
سألته سؤال ... وساعتها ... كان لساني فصيح ..
سألته ولا همني ... وبالعبارة .. كنت صريح ..
يا أحلى شهور السنة ... كان ليا معاك تفاريح ..
فين بهجة كل سنة ... فين الزينة .. والمصابيح ..
نظر لي نظرة مؤلمة ... صار قلبي منها جريح ..
قال بهجة .. إزاي .. ولِمَ وأنا في فراشي طريح ..
والدم مني نزف .. والجسم يابني .. قريح ..
فين يا مسلمين إسلامكم ... والقدس بينكم ذبيح ..
إصحي يا أمة جريحة .. وعيدوا للمسار تصحيح ..
بالله دي مش فضيحة .. لما نقول مصابيح ..
*******
سألته تاني سؤال ... حسيت في رده بقهر ..
ينفع فيك الجهاد ... يا أحلى من أي شهر ..
بكى علي .. ومني ضحك .. وقال ارجع تاريخ الدهر ..
قال الجهاد دا عروسة يا بني .. وغالية المهر ..
اشتروا المؤمنين أنفسهم ... بمال ... وعزم ... وصبر ..
أنا الجهاد عندي فريضة ... واسألوا عني بدر ..
وفي الصيام فتح مكة ... وصلوا صلاة الشكر ..
وابن زياد في الأندلس ... عبر بالمؤمنين البحر ..
واسألوا صلاح الدين . في حطين . كان شديد الصبر .
قطز قهر التتار ... وكان حليفه النصر ..
واسألوا العاشر مني ... كان بعد صلاة الظهر ...
هللتوا ... والكون كبر ... وحطمتوا حصن الكبر ..
أنا الجهاد فيَّ عظيم .. وعند الله عظيم القدر ...
مين حببك ... في الدنيا ... وهجرت صلاة الفجر ..
إصحي يا أمة جريحة ... وعيدوا للمسار تصحيح ...
بالله دي مش فضيحة .. لما نقول مصابيح ..
وسألته ثالث سؤال ... ويا ريتني ما سألته ..
دعيت لأخويا كتير ... ودعايا ... ليه موصلله ..
وبخني تاني بكلام ... وأنا بصراحة عذرته ..
قال الدعاء للي نزف قوته .. ولا عاد معاه ولا حيلته ..
واللي ما عنده صحة ... من ماله يبعت له ..
فين أنته .. والانتفاضة ... فيها أخوك ما عاونته ..
ولا مرة مديت له إيدك ... ولا رحت يوم زرته ..
ولا قلبك في يوم حن .. ولا بعد ما مات شيلته ..
العقل منكم شت ... وقلبي بيكم ... جريح ..
بالله دي مش فضيحة .. لما نقول مصابيح ..
*******
ودا آخر سؤال ... وإديني يا عم أمان ..
كيف يكون الجهاد ... وأصير من الفرسان ..
شَد قَـوي على إيدي ... وقال إمسك القرآن ..
ومن تاني يلا اتعلموا ... يا أمة الإسلام ..
الصبر عند الزحف ... والعزم .. والإقدام ..
آدي البلاء الحسن ... في البوسنة والشيشان ..
مهما يكون العدو ... روس .. وأمريكان ..
شوفوا كيف الصلابة .. وقوة الإيمان ..
آدي الجهاد بصحيح .. إخواتكم الأفغان ..
لدينهم هناك ماسكين ... ودينكم عليكم هان ..
آن الأوان تعرفوا .. إن لي في الجهاد تباريح ..
ولازم كمان تعرفوا .. إني مش بس للتراويح ..
عودوا زي زمان ... أيامكم تعود تفاريح ..
وتزينوا رمضان .. بالبهجة .. والمصابيح
موضوع: رمضان الجريح 
الإثنين 25 أغسطس - 17:54:06
