مره سواق تاكسي سايق التاكسي وماشي في امان الله
فواحد لابس ابيض في ابيض وقفه وقاله علي مكان قريب علي اخر الشارع فخده يوصله وبعد خطوتين واحد تاني وقف التاكسي وقاله عايز يروح مكان بعيد شويه قاله ماشي
وبعد لما الراجل ركب ورا سواق التاكسي قاله معلش بس يا استاذ هاوصل البيه اللي جنبي ده لاخر الشارع بس
فرد عليه الراجل اللي قاعد ورا قاله راجل مين يا عم انا معاك لوحدي في التاكسي
فسواق التاكسي قاله الراجل اللي لابس ابيض وقاعد جنبي ده
قاله مفيش حد قاعد جنبك انت هاتجنني
فالسواق لقي الراجل اللي لابس ابيض وقاعد جنبه مال عليه وقال له:-
انا ملك الموت وجاي اقبض روحك الحق صلي ركعتين ينفعوك
قام السواق راكن بسرعه جنب اقرب جامع ونزل يجري
بس
كانوا الاتنين اللي راكبين معاه حراميه ودي خطه وسرقوا التاكسي
واحد من المحله بس بيشتغل في القاهره وعايش هناك
وفي يوم وهو واقف في البلكونه لقي واحد بيحاول يفتح العربيه بتاعته
وهو كان ساكن في الدور التامن ومفيش اسانسير
فقعد ينادي حرامي حرامي
قام الحرامي بص له وقاله:-
ايوه صيح صيح عايز تلم عليا الناس وتفضحني يا محمد (وطبعا هو مش اسمه محمد)
فصاحب العربيه قاله انا معفكش وفضل يزعق حرامي حرامي
قام الحرامي بص له وقاله بس بقي يلا هاتلم علينا الناس بطل هزارك الرخم ده بقي والله هازعل بجد
(وطبعا كل الكلام ده والحرامي بيحاول يفتح في العربيه)
فضلوا يتكلموا كده لحد لما الحرامي في تلات اربع دقايق بالكتير كان فاتح العربيه
وبعد ما ركبها وهو ماشي بص من الشباك لصاحبها وقاله خلاص يا محمد هاروح المشوار اللي انا متفق معاك عليه وارجعهالك سلام
وطبعا صاحبها عمال يصرخ ويعيط وكان هايرمي نفسه من البلكونه عليها
موضوع: اغرب حوادث سرقه 
الجمعة 29 مايو - 15:47:55
